Хүнс, хөдөө аж ахуй, хөнгөн үйлдвэрийн яам болон Нэгдсэн Үндэстний Байгууллагын Хүнс, хөдөө аж ахуйн байгууллага хамтран зохион байгуулж буй “Бэлчээр ба нүүдлийн мал аж ахуй эрхлэгчдийн олон улсын жил”-ийн үндэсний нээлтийн арга хэмжээ өнөөдөр “Чингис хаан” үндэсний музейд эхэллээ.

Уг арга хэмжээнд Архангай, Өвөрхангай аймгийн малчдын хамт оролцож байна.

Тус олон улсын жилийн нээлтийн арга хэмжээ өнгөрсөн оны 12 дугаар сард Итали улсын Ром хотноо зохион байгуулагдаж, гүйцэтгэх захирал Д.Бурмаа болон Өвөрхангай аймгийн Уянга сумын залуу малчин Ц.Мөнхцэцэг нар оролцон үг хэлж байсан юм.